2017年7月16日 星期日

自住樓在財務自由被動收入系統中作用

自住樓在財務自由被動收入系統中作用好比熱帶雨林在地球的作用, 為生態系統帶來氧氣, 二氧化碳交換, 養份循環, 動植物棲身之地, 例如巴西近年貿然把森林伐林,改建農場,熱帶雨林生態系統也隨之改變 。

其實財務自由是要用被動收入解決衣,食, 住, 行費用問題, 如果有了自住樓已經解決了在香港昂貴住既住屋費用問題, 中美日自金融海嘯後大印紙幣, 投資組合中適宜有金, 樓呢類實物資產為保值後盾, 自住樓雖無產生被動收入能力但卻有資產保值功能, 最少要有一間自住樓再加收息資產, 財務自由才可期, 因自住樓有定海神針作用, 解決人們住既需要; 如果沒有自住樓的話, 被動收入收息資產便需要最少壹仟萬港元, 假設4厘回報, 一年都只有40萬收入, 例設每月交租$18,000元x12月= $216,000; 即餘$184,000; 兩夫婦一人只有$92,000一年,扣除屋租後, 又要應付水, 電,煤費, 上網, 手機費, 個人零用, 伙食費 每人每月只有$7,667元, 生活費用支出將會十分緊張。

有了自住樓, 以被動收入投資應付衣, 食, 行大約250萬港元投資收息組合便可以,假設4厘回報, 一年10萬個大洋已經十分好使, 更重要是不會受業主加租要脅。

沽出自住樓便馬上做無殼蝸牛, 胡亂賣出自住樓, 通常有錢之後身痕, 亂炒一通, 經濟下場可能十分悲慘, 而且, 年年進貢21萬6千個大洋交租比業主之餘仲年年比人威脅加租, 過一, 二年又要搬, 聯絡地址成日要轉過哂, 你都唔好話唔煩, 所謂上屋搬下屋, 唔見一羅穀(搬遷費, 重置部份傢俱支出, 入住水, 電, 煤, 租金等按金); 況且, 中美日自金融海嘯後大印紙幣, 投資組適合中宜有金, 樓呢類實物資產為保值後盾對沖紙幣購買力下跌, 自住樓雖無產生被動收入能力但有資產保值功能(store of value), 最少要有一間自住樓再加收息資產, 財務自由才可期, 為眼前果D七位數字紙幣利益而沽自住樓~~只是數字遊戲,將來一定悔不當初。

最後, 小弟引用味皇文章對沽自住樓之提醒:-

關於想賣自住樓的提醒關於想賣自住樓的提醒

希望想財務自由的讀者在沽出自住樓時三思。

+++++++ 免責聲明: 本文章只屬個人網誌文章,一切言論純粹是表達本人個人意見或經驗分享,無論在任何情況下,不應被視為投資建議,也不構成要約、招攬、邀請、誘使、建議或推薦,本人無法保證網誌內容的真確性和完整性。 讀者務請運用個人獨立思考能力自行求證和分析有關資料,讀者一切的投資決定以及該投資決定引致的收益或損失,一概與本人無關。 本博文版權歸博主所有。

21 則留言:

  1. 有 blog 友說過沽自住樓其實是一种沽空動作,要不斷給予利息(租金)始終有要補倉的一天,除非。。。。。。。

    回覆刪除
    回覆
    1. 自住樓还可為樓主有需要時帶來融資能力💪

      刪除
    2. 小弟會學郭靖, 楊過使出九陰真經, 黯然消魂掌力守襄陽~~有生之年力保自住樓,保住半壁錦繡河山, 沽了自住樓縱有八~九百萬兵但沒有一根據地城池, 萬一有什麼事, 將無家可歸又無險可守. 自由一千萬大師兄, 只要我和你沒有顛到沽出自住樓/沽空樓市便可, 別人點做, 我們不方便多言.

      刪除
    3. 淡淡喜歡月月交租支出都無辦法

      刪除
    4. 咁我覺得租樓人士,唔一定係淡淡來的...有些人不喜歡home maintenance,又或者工作常周遊列國。

      另外租管做得好的地方(eg.德國),都會特別多人選擇做租客。

      刪除
  2. 非常認同。租金隨時年年加,又隨時被逼搬走,這不像是財務自由的生活。

    回覆刪除
    回覆
    1. 沒有自住樓都可以財自, 但生息資產規模要是有樓的4倍或以上, 因有2/3收入要拿去交租

      刪除
  3. 十分認同,所以我仍然鼓勵年青人有機會時都買樓,當然由4-5百尺開始。買了自住樓的感覺就像輕鬆了很多,亦少了很多憂慮,當然買樓要考慮的因素都不少,但機會只留給有預備的人。

    回覆刪除
    回覆
    1. 有一位著名博客沒有自住樓都可財自, 但前提是收息資產收入要包得住衣, 食, 住,行所有支出

      刪除
    2. 宜家起步係由300呎,甚至250呎開始,再細果D?已經無乜買入價值...

      刪除
  4. 我都唔會沽自住樓, 但都要預多D儲備, 將來樓宇維修或換新家電 !
    唔夠錢用會好煩的 :)

    回覆刪除
    回覆
    1. 對, 要預每月差餉地租, 管理費, 大維修夾錢, 優勢是有少少:少左受業主可能加租威脅同搬來搬去的麻煩~但要付一些差餉地租, 管理費, 大維修夾錢作為代價

      刪除
  5. 租的是「樓」, 自己物業是「家」

    回覆刪除
    回覆
    1. 結婚有了子女如經濟許可~買好D, 單身租都沒所謂

      刪除
  6. 本熊有樓又走去租樓,睇完兩個blogger 分享,變左兩面不是人
    其實資產分佈如健身,有啲人只練上身覺得好打得,有啲鍾意做鋼條認為跑得快,有啲專注練內功講精氣神。心態取向不同手段便有分別,其實只要最終目標是健康,練甚麼都可以成為高手

    回覆刪除
    回覆
    1. 好好笑, 租樓的人說, 沒租過樓的人唔識租樓的好處; 有自住樓的人又說, 無自住樓的人又不知自住樓的好處, 還有有出租樓的人又說, 無樓出租的人又不知收租的好處 .......
      俾大家自己去經歷吧, 講多無謂 !

      刪除
  7. 其實自住樓到樓齡大時都會有巨額維修費風險

    回覆刪除
    回覆
    1. 所以要買有維修基金的屋苑 !

      刪除